NewsNews In KannadaNorth Karnataka

ಹುಬ್ಬಳ್ಳಿ ಧಾರವಾಡ ಸ್ಮಾರ್ಟ್ ಸಿಟಿ:ಉದ್ಯಾನವನ, ಸಂಗೀತ ಕಾರಂಜಿ, ಪಜಲ್ ಪಾರ್ಕಿಂಗ್, ಪುಟಾಣಿ ರೈಲು ಯೋಜನೆಗಳ ಲೋಕಾರ್ಪಣೆ

ಹುಬ್ಬಳ್ಳಿ, ಏ.30: ಹುಬ್ಬಳ್ಳಿ ಧಾರವಾಡ ಸ್ಮಾರ್ಟ್ ಸಿಟಿ ಅನುದಾನದ ಅಡಿಯಲ್ಲಿ ಪೂರ್ಣಗೊಂಡ ಮಹಾತ್ಮ ಗಾಂಧಿ ಉದ್ಯಾನವನ, ಇಂದಿರಾ ಗಾಜಿನ‌ಮನೆ,ಸಂಗೀತ ಕಾರಂಜಿ,ಪಜಲ್ ಪಾರ್ಕಿಂಗ್, ಪುಟಾಣಿ ರೈಲು,ಗುಣಮಟ್ಟ ನಿಯಂತ್ರಣ ಪ್ರಯೋಗಾಲಯಗಳು ಇ‌ಂದು  ಲೋಕಾರ್ಪಣೆಗೊಂಡವು.

ಮಹಾತ್ಮಾ ಗಾಂಧಿ ಉದ್ಯಾನವನ ಅಭಿವೃದ್ಧಿ ಯೋಜನೆ
ಉದ್ಯಾನವನದ 21 ಪ್ರದೇಶವನ್ನು  5 ವರ್ಷಗಳ ಕಾರ್ಯಚರಣೆ ಮತ್ತು ನಿರ್ವಹಣೆ ಸೇರಿ 10.96 ಕೋಟಿ ರೂ.ವೆಚ್ಚದಲ್ಲಿ ಅಭಿವೃದ್ಧಿ ಯೋಜನೆಯನ್ನು ಲೋಕಾರ್ಪಣೆ ಮಾಡಲಾಯಿತು. 1.6 ಕಿ.ಮೀ. ಕಾಲುದಾರಿ, 200 ಚ. ಮೀ. ಪ್ರದೇಶದಲ್ಲಿ 350 ಜನ ಕುಳಿತಕೊಳ್ಳಲು ಸ್ಥಳಾವಕಾಶವಿರುವ ಆ್ಯಂಪಿಥಿಯೇಟರ್, 450 ಚ.ಮೀ.ನಲ್ಲಿ ಮಕ್ಕಳ ಆಟದ ಪ್ರದೇಶ, 8 ಫುಡ್ ಕಿಯೋಸ್ಕೋಗಳಿವೆ‌. 111 ಚ.ಮೀ. ವಿಸ್ತೀರ್ಣದಲ್ಲಿ  ಸಣ್ಣ  ಸಮಾರಂಭದ ಪ್ರದೇಶ,929 ಚ.ಮೀ. ವ್ಯಾಪ್ತಿಯಲ್ಲಿ ತೆರೆದ ಸಮಾರಂಭದ ಪ್ರದೇಶ, 95 ಚ.ಮೀ.ನಲ್ಲಿ  ತೆರದ ವ್ಯಾಯಾಮ ಪ್ರದೇಶ, 34,000 ಚ. ಮೀ. ಪ್ರದೇಶದ ಉದ್ಯಾನವನ, ಧ್ಯಾನ ಮಂದಿರ, ತುಂತುರು ನೀರಾವರಿ ಕ್ಷೇತ್ರ,ಸ್ಕೇಟಿಂಗ್ ಮೈದಾನ ಅಭಿವೃದ್ಧಿ ಪಡಿಸಲಾಗಿದೆ. ಎರಡು ಗಜಿಬೋ, 29 ಶಿಲ್ಪಕಲೆಗಳ ದುರಸ್ತಿ ಹಾಗೂ ಮಳೆ ನೀರು ಚರಂಡಿ ನಿರ್ಮಾಣ,ಎರೆಹುಳು ಗೊಬ್ಬರ, 3 ಶೌಚಾಲಯಗಳನ್ನು ಸ್ಥಾಪಿಸಲಾಗಿದೆ.  ದ್ವಿಚಕ್ರ ವಾಹನ ಪಾರ್ಕಿಂಗ್ ಹಾಗೂ ಡಿಸೇಲ್ ಜನರೇಟರ್ ಸೆಟ್ ಅಳವಡಿಸಲಾಗಿದೆ.

ಇಂದಿರಾ ಗಾಜಿನ ಮನೆಯ ಅಭಿವೃದ್ಧಿ

ಮಹಾತ್ಮಾ ಗಾಂಧಿ ಉದ್ಯಾನದಲ್ಲಿ 1600 ಚ.ಮೀ. ವಿಸ್ತೀರ್ಣದಲ್ಲಿ ರೂ. 1.71 ಕೋಟಿ ರೂ. ವೆಚ್ಚದಲ್ಲಿ  ಇಂದಿರಾ ಗಾಜಿನ ಮನೆಗೆ  ಎಂ.ಎಸ್. ಟ್ರಸ್, ಜಿ.ಐ. ಶೀಟ್ ಅಳವಡಿಕೆ, ಪೇಟಿಂಗ್ , ಸ್ಲೈಡಿಂಗ್ ಗೇಟ್, ಟಫಂಡ್ ಗ್ಲಾಸ್, ವಿದ್ಯುದ್ದೀಪಗಳ ಅಳವಡಿಕೆ ಮಾಡಲಾಗಿದೆ.

*ಸಂಗೀತ ಕಾರಂಜಿ* ಮಹಾತ್ಮಾ ಗಾಂಧಿ ಉದ್ಯಾನದಲ್ಲಿ 220 ಚ.ಮೀ. ಪ್ರದೇಶದಲ್ಲಿ 4.67 ಕೋಟಿ ವೆಚ್ಚದಲ್ಲಿ ಸಂಗೀತ ಕಾರಂಜಿ, ಲೇಸರ್ ಷೋ, 150 ಸಂಖ್ಯೆ ನಾಜಲಗಳು,  ಲೇಸರ್ ಷೋಗಾಗಿ ನೀರಿನ ಪರದೆ ಅಳವಡಿಸಲಾಗಿದೆ.ಪ್ರತಿ ದಿ‌ನ 30 ನಿಮಿಷಗಳ ಅವಧಿಯ 2  ಪ್ರದರ್ಶನಗಳು ನಡೆಯಲಿವೆ. 

ಪಜಲ್ ಪಾರ್ಕಿಂಗ್ ಯೋಜನೆ:
80 ಚ.ಮೀ. ಪ್ರದೇಶದಲ್ಲಿ  ರೂ.4.59 ಕೋಟಿ ವೆಚ್ಚದಲ್ಲಿ 6 ಹಂತದ 36 ಕಾರುಗಳ ಪಾರ್ಕಿಂಗ್ ಸೌಲಭ್ಯ ಹಾಗೂ 25 ಕಿಲೋ ವ್ಯಾಟ್ ಡಿಸೆಲ್ ಜನರೇಟರ್ ಸೆಟ್ ವ್ಯವಸ್ಥೆ ಕಲ್ಪಿಸಲಾಗಿದೆ.

ಪುಟಾಣಿ ರೈಲು ಅಭಿವೃದ್ಧಿ:

ಮಹಾತ್ಮಾಗಾಂಧಿ ಉದ್ಯಾನವನದಲ್ಲಿ  ರೂ 4.2 ಕೋಟಿ ವೆಚ್ಚದಲ್ಲಿ 960 ಮೀಟರ್ ಟ್ರ್ಯಾಕ್ ಹೊಂದಿರುವ ಪುಟಾಣಿ ರೈಲನ್ನು ಅಭಿವೃದ್ಧಿ ಪಡಿಸಲಾಗಿದೆ. 2 ಇಂಜಿನ್‌ಗಳು, 4 ಹವಾನಿಯಂತ್ರಿತ ಕೋಚ್ ಹಾಗೂ 2 ನಿಲ್ದಾಣಗಳನ್ನು ಹೊಂದಿವೆ. ಸಿ.ಸಿ.ಟಿವಿ ಕ್ಯಾಮೆರಾ ಹಾಗೂ ಆಟೋ ಮ್ಯಾಟಿಕ್ ಬಾಗಿಲು ತೆರೆಯುವ ವ್ಯವಸ್ಥೆ ಮತ್ತು ಧ್ವನಿವರ್ಧಕಗಳನ್ನು ಅಳವಡಿಸಲಾಗಿದೆ. ಸ್ಮೋಕ್ ಡಿಟೆಕ್ಟರ್ ಹಾಗೂ ಬೆಂಕಿ ನಂದಿಸುವ ವ್ಯವಸ್ಥೆಗಳು ರೈಲಿನಲ್ಲಿವೆ. ಎಲ್‌ಇಡಿ ಸ್ಕ್ರೀನ್ ಗಳು ಮತ್ತು ಟಿವಿ ಸ್ಕ್ರೀನ್ ವ್ಯವಸ್ಥೆಯನ್ನು ಹೊಂದಿದೆ.
ಪುಟಾಣಿ ರೈಲಿನಲ್ಲಿ 48 ಜನ ವಯಸ್ಕರಿಗೆ ಅಥವಾ 60 ಮಕ್ಕಳಿಗೆ ಕಳಿತುಕೊಳ್ಳುವ ಸ್ಥಳಾವಕಾಶವಿದೆ.

ಗುಣಮಟ್ಟ ನಿಯಂತ್ರಣ ಪ್ರಯೋಗಾಲಯ

ಹೊಸೂರು ಕ್ರಾಸ್  ಹತ್ತಿರ 85 ಲಕ್ಷ ರೂ.ವೆಚ್ಚದಲ್ಲಿ ಗುಣಮಟ್ಟ ನಿಯಂತ್ರಣ ಪ್ರಯೋಗಾಲಯವನ್ನು ನಿರ್ಮಿಸಲಾಗಿದೆ. ಮಣ್ಣಿನ ಪರೀಕ್ಷೆ, ಸಿಬಿಆರ್ ಪರೀಕ್ಷೆ, ಕೋರ್ ಕಟಿಂಗ್ ಮಿಷನ್‌, ಆಸ್ಫಾಲ್ಟ್ ಪರೀಕ್ಷೆ, ಕೋರ್ಸ್ ಅಗ್ರಿಗೇಟ್ ಮತ್ತು ಫೈನ್ ಅಗ್ರಿಗೇಟ್ ಪರೀಕ್ಷೆ, ಸಿಮೆಂಟ್ ಪರೀಕ್ಷೆ,  ಕಾಂಕ್ರೀಟ್ ಘನಗಳ ಪರೀಕ್ಷೆ ಮಾಡಲು ಅವಕಾಶವಿದೆ.

Please follow and like us:
Pin Share

Leave a Reply

Your email address will not be published.

Back to top button
Close